ЯРОСЛАВ МУДРЫЙ.

ПРОЛОЖНОЕ СКАЗАНИЕ ОБ ОСВЯЩЕНИИ ЦЕРКВИ СВЯТОГО МУЧЕНИКА ГЕОРГИЯ.

Проложное сказание об освящении церкви святого Георгия издавалось неоднократно по различным спискам; см.: Максимович М. А. О построении и освящении киевской церкви святого Георгия // Киевлянин. Кн. 3. Киев, 1850. С. 66–67; Памятники древнерусской церковно-учительной литературы. Вып. 2: Славяно-русский Пролог. Ч. 1. Сентябрь — декабрь / Изд. А. И. Пономарева. СПб, 1896. С. 58–59; Каргер М. К. Древний Киев. Т. 2. М.; Л., 1961. С. 234; Жуковская Л. П. Двести списков XIV–XVII вв. небольшой статьи как лингвистический и исторический источник (Статья Пролога о построении церкви во имя Георгия Ярославом Мудрым) // Исторические традиции духовной культуры народов СССР и современность. Киев, 1987. С. 40. Ниже издается список Пролога 2-й (распространенной) редакции второй половины XIV в.: РГАДА. Ф. 381 (Син. тип.). № 161. Л. 156, содержащий текст, несколько отличающийся от изданных ранее. Сказание читается в рукописи под 26 ноября.

Во тъ же день святаго мученика Георгия священье церкве его иже пред враты Святыя София.

Блаженыи приснопамятный всея Руси Ярославъ князь, нареченыи святымь крещеньемь Георгии, сынъ Володимерь, крестившаго землю Русьскую, брат же святою мученику Бориса и Глеба, и въсхоте создати церковь во имя свое святаго Георгия, да еже въсхоте, и створи. И яко начата сдати ю, и не бе у нея многа делатель. И се виде князь, призва тиуна и рече: «Почто не много делающихъ у церкви?» Тиунъ же рече: «Господине, понеже дело властельское есть, бояться, еда туне трудъ подимше, найма лишени будуть». И рече князь: «Да аще тако есть, то азъ сице створю», и повеле возити куны на возехъ и в комары Золотыхъ воротъ. И възвестиша на торгу людемъ, да возметь кождо по ногате на день, и бысть множьство делающихъ, и тако вскоре коньчаша церковь. И святи ю митрополитомь Лариономь месяца ноября 26 день, и створи въ ней настолованье новоставимымъ епископомь, и заповеда по всей Руси творити память празника святаго Георгия месяца ноября въ 26 день.

ПРОЛОЖНОЕ СКАЗАНИЕ ОБ ОСВЯЩЕНИИ ЦЕРКВИ СВЯТОЙ СОФИИ.

Проложное сказание об освящении «великой церкви Святая София, иже в Руси», издавалось неоднократно; см.: Куприянов И. К. Обозрение пергаменных рукописей Новгородской Софийской библиотеки // Известия Имп. Академии наук по Отделению русского языка и словесности. Т. 6. СПб., 1857. Отд. В. С. 305; Срезневский И. И. Древние памятники русского письма и языка (X–XIV вв.) // Там же. Т. 10. СПб., 1863. С. 670–671; Памятники древнерусской церковно-учителъной литературы. Вып. 2. Ч. 1 / Изд. А. И. Пономарева. С. 190–191 (во всех случаях по пергаменному Прологу Новгородско-Софийской библиотеки XIII–XIV вв.; ныне: РНБ. Соф. № 1325. JI. 42 об.). Это сказание очень близко по тексту к летописной статье 1037 г. и, можно думать, в своей основной части заимствовано из летописи. Ниже издается список Проложного сказания по Прологу 1-й (краткой) редакции на сентябрь — февраль середины XIV в.: РГАДА. Ф. 381 (Син. тип.). № 155. Л. 57 об. — 58, привлекавшийся в разночтениях к изданию А. И. Пономарева. Сказание читается в рукописи под 4 ноября.

Въ тъ же день священие Святыя Софьи, иже в Руси, юже созда благоверный князь Ярославъ.

Святая Софии великая церкы священа бысть, юже бе создалъ благоверный князь Ярославъ и митрополию Святей Софьи створи и посемь церковь на Златыхъ вратехъ Святыя Богородица Благовещение, иже бе заложилъ град великыи, рекомыи Киевъ, и посемь Святаго Георгия манастырь, тако бо въ крещении наречено имя ему Георгии, тем же во имя свое созда церковь, и Святыя Ириньи церковь созда, яже число лет бысть от начала миру 6500 и 45 (1037). И при семь нача вера крестьяньская плодитися и раширяти, и черноризци начата множитися, и манастыреве начата быти. Бе Ярославъ любя церкви, и прозвутеры любя повелику, излиха черноризци бе любя, и книгамъ прилежа, и почиташе часто в нощи и въ день, и собра писци многы, и прекладаше от гречьскыхъ книгъ на словеньское писмя, и списа книгы многы, ими же поучающеся вернии людие, наслажающеся божества. Яко се разореть некто землю, другыи же насееть ю, инии же пожинають, ядять пищю неоскудную. Отець бо сего Володимиръ землю разоравъ и омякчи, рекше крещениемь просвети, сии же насея книжными словесы сердце верныхъ людии, а мы пожинаемъ, учение приемлюще книжное. Велика бо полза бываеть от учения книжнаго, книгами бо кажеми и учими есмы пути покаяния, и радость духовную обретаемъ, и въздержаниемь // (л. 58) словесъ неполезных. Се бо суть рекы, напаяющи всю вселеную, се суть исходящая мудрости; иже бо книжная словеса часто почитають, то беседують с Богомь или съ святыми мужи, и почитая пророческыя беседы, евангельская учения и апостольская и святыхъ отець, въсприемлеть ползу душа велику. Сии же князь любимъ бе книгамъ и списавъ положи въ Святей Софьи, юже создалъ и украси златомь, и сребромь и съсуды церковными, и ставя прозвутеры и дьяконы, и дая имъ от имения своего, веля имъ учити люди и приходити часто къ церквамъ. И радовашеся Ярославъ, видя многы церкви и люди крестьяны зело, а врагъ сетовашеся, побежаемъ новыми людми крестьяньскыми. И тако пожи въ благочестьи и предасть душю свою Господеви месяца февраля въ 20. И бысть всихъ лет Ярославль 60 и 6.